Plantun de Prouvènço

Pèr coumpara dos planto d'encò nostre

Myosotis congesta & Androsace chaixii

Te-vese-e-t'ame(-di-flour-sarrado)

Myosotis congesta

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis à fleurs serrées.

Descripcioun :
Aquéu te-vese-e-t'ame trachis dins li tepiero sablouso, séusouso e umido. Au nostre se vèi soulamen en Prouvènço séusouso. Douno d'èr à Myosotis ramosissima, mai li flour soun mai sarrado, emé de pecou courtet e mens clina. La baso di petalo èi roujo e souvènt gounflo. Pensa de coumpara emé lis autri te-vese-e-t'ame en quichan sus la flècho verdo çai-souto.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 3 à 15 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 3 mm
Flourido : Printems

Sòu : Si
Autour basso e auto : 0 à 600 m
Aparado : Noun
Mars à mai

Liò : Tepiero sablouso umido - Ermas
Estànci : Termoumediterran à Mesoumediterran
Couroulougi : Estenoumediterrano-Nord
Ref. sc. : Myosotis congesta Shuttlew. ex A.Albert & Reyn., 1891

Primadello(-de-Chaix)

Androsace chaixii

Primulaceae

Noms en français : Androsace de Chaix, Primevère de Chaix.

Descripcioun :
La primadello-de-Chaix trachis dins li bos un pau umide de basso mountagno. Es uno planto pulèu raro que fai de pichòti flour roso sus de long pecou que s'estiron à la frucho. Li fueio soun tóuti en rouseto, à la baso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : verticilado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Androsace
Famiho : Primulaceae

Ordre : Ericales

Coulour de la flour : Roso
Petalo : 5
Ø (o loungour) flour : 3 à 4 mm
Flourido : Printèms

Sòu : Ca
Autour basso e auto : 600 à 1800 m
Aparado : Noun
Mars à jun

Liò : Faio - Sapino - Pinedo - Esclargido
Estànci : Subremediterran à Mountagnard
Couroulougi : Ouroufito-Aupenco-Sud-Ouèst
Ref. sc. : Androsace chaixii Gren., 1853

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis congesta & Androsace chaixii

ges

Coumpara Te-vese-e-t'ame(-di-flour-sarrado) emé uno autro planto

Coumpara Primadello(-de-Chaix) emé uno autro planto